শুক্ৰাণুৰ মাৰাথন
“চাল্লা জন্ম হ’বৰ বাবেও 300 মিলিয়ন শুক্ৰাণুৰ মাজত দৌৰ লগাব লগা
হৈছিল । 1978 মোৰ জন্ম ।
ৰাতিপুৱা 5 বাজি 15 মিনিটত মোৰ জন্ম হৈছিল আৰু 5 বাজি 16 মিনিটত দেউতাই
কৈছিল মোৰ ল’ৰা ইঞ্জিনীয়াৰ হ’ব”
-- 3 IDIOTS নামৰ বহু চৰ্চিত ছবিখনৰ সংলাপ ৷
শুক্ৰাণুবোৰ স্ত্ৰী দেহৰ বাবে বহিৰাগত সদৃশ ৷ গতিকে ই স্ত্ৰীদেহৰ অভ্যন্তৰণত প্ৰৱেশ কৰাৰ পিছত বহুতো বাধাৰ সন্মুখীন হ’বলগীয়া হয়। স্ত্ৰী ডিম্বৰ সৈতে নিষেচনৰ প্ৰাকক্ষণত ই সন্মুখীন হোৱা বাধা সমূহ এনেধৰণৰ -
** এনে বাধাসমূহৰ অন্যতম হৈছে স্ত্ৰী যোনিৰ অম্লতা। যোনিৰসৰ pH ৰ মান প্ৰায় 5 ৰ ওচৰাউচৰি হয় ৷ এনে এচিডীয় মাধ্যমত ক্ষাৰীয় গুণ সম্পন্ন শুক্ৰাণুসমূহ বহু পৰিমাণে নষ্ট হৈ যায়।
** পিছলৈ ৰৈ যোৱা শুক্ৰাণুসমূহৰ কিছুসংখ্যকে চাৰ্ভিকেল শ্লেষ্মা নামৰ তৰল পদাৰ্থবিধৰ জালত বন্দী হৈ যায় ৷ পৰৱৰ্তী ২ ঘন্টামানৰ ভিতৰত মাত্ৰ কেইবাহাজাৰ মান শুক্ৰাণুহে এই বাধা ভেদ কৰি জৰায়ু পায়গৈ ৷
** এইবাৰহে আৰম্ভ হৈ
প্ৰতিকূলতাৰ অন্যতম যুঁজখন । এইবাৰ বাচি থকা শুক্ৰাণু সমূহৰ বিপক্ষে নিৰ্ণায়ক
যুদ্ধঘোষণা কৰে মহিলাগৰাকীৰ দেহৰ স্বয়ংক্ৰিয় প্ৰতিৰোধ ব্যৱস্থাই ৷ যিহেতু আমাৰ
দেহৰ বাবে বিসদৃশ যিকোনো বাহ্যিক বস্তুকেই এই প্ৰতিৰোধ ব্যৱস্থাৰ যোগেদি দেহৰ
অভ্যন্তৰত প্ৰৱেশত বাধা দিয়া হয় ৷ সেয়েহে
মহিলা গৰাকীৰ দেহৰ ইমম্যুউন ব্যৱস্থাই শুক্ৰাণুসমূহকো স্বভাৱগত ভাবেই মাৰি পেলাবলৈ লয় ৷ স্ত্ৰী দেহত থকা তেজৰ শ্বেতৰক্ত কণিকা (WBC) য়ে শুক্ৰাণুবোৰক চাৰিওপিনৰ পৰাই আক্ৰমণ আৰম্ভ কৰে ৷ নিজকে বৰ্তাই ৰখাৰ এই যুঁজখনত ফেল’পিয়ানটিউবৰ অভ্যন্তৰণ পায়গৈ মানে একেবাৰে আৰম্ভণিৰ 250 মিলিয়নৰ মাত্ৰ 20 - 100 টা মান শুক্ৰাণুহে বাচি থাকেগৈ ৷
** ইমান প্ৰতিকূলতাৰ
বিপৰীতে যুঁজি যি নুন্যতম সংখ্যক শুক্ৰাণু ৰৈ যায় সিহঁতে নিজকে এই অৱস্থাৰ সপক্ষে
জীয়াই ৰাখিবলৈ দৈহিকভাৱে অভিযোজন কৰে ৷ একেলগে নিষেচনৰ বাবেও নিজকে প্ৰস্তুত কৰি তোলে ৷ এনে
শুক্ৰাণুসমূহে ফেল’পিয়ান টিউবত 3 ৰ পৰা 5 দিন পৰ্যন্ত ডিম্বৰ বাবে অপেক্ষা কৰে ৷ গৰ্ভাশয়ৰ পৰা মুকলি হৈ অহা
ডিম্বৰ সৈতে মাত্ৰ এটা শুক্ৰাণুহে নিষেচিত হৈ যোজন কোষ গঠন কৰে ৷ পিতৃ আৰু মাতৃ
জননকোষৰ DNA ৰ অংশ মিলনহৈ
সৃষ্টি হোৱা এনে একোটা কোষ পুনৰাই বিভাজিত হৈ আপুনি বা মই নামৰ বহুকোষী জীৱ একোটা
জন্ম পাওঁ ।
ধ্ৰুৱজ্যোতি কলিতা ,
.jpg)
0 Comments